ASBAABAHA KUU FUDUDAYNAYSA ARZAAQADA in lagu wasiciyo

ASBAABAHA KUU FUDUDAYNAYSA ARZAAQADA in lagu wasiciyo

Fadlan Haddii aad dooneysid inuu ilaaheey
Arzaaqada kuu Waasiciyo, Fadlan samee

Qodobadaan:-
1- BADI ISTAQFAARTA.
Sida uu Allaah uu Quraanka inoogu sheegay, markuu
Nabi Nuux CS, Qoomkiisa uu la Dardaarmaayey
wuxuu ku yiri:- Haddii aad Rabtaan Maal iyo Owlaad
Allaah Dembi dhaaf weydiista waad Heleysaan.
Rasuulkeena CSW, isna wuxuu yiri:- Qofkii Laazima
Istaqfaarta, Allaah wuxuu u yeelaa Hammigiisam
wuxuuna u Furaa Faraaj uu kaga baxo Ciriiriga.
2- TAQWADA ALLAAH.
Waa inuu Qofku la yimaado Taqwo hadduu rabo inuu
Allaah Arzaaqada u Waasiciyo, Allaah SW,
wuxuuyiri:- Qofkii Allaah ka Cabsada, wuxuu Allaah
u Furaa Faraaj, wuxuuna ka Arzaaqaa meel uusan
wax ka Fileynin.
3- TAWAKAL.
Waa inuu Qofku Allaah ku Kalsoonaado, oo uu Allaah
Talo saarto.
4- QARAABADA OO LA XIRIIRIYO.
Rasuulka CSW, wuxuu yiri:- Qofkii raba Cimri Dheer
iyo in Arzaaqada loo badiyo ha Xiriiriyo
Qaraabadiisa.
5- WAX BIXINTA (SADAQADA).
Waxaad bixisaan oo Maal ah, waxaad heleysaan
Beddelkooda.
=================================
(ALLaha wax irsaqoow waxan ku weydisaneyna irsaq xalal ah oo wanagsan )

See lagu heli karaa qoys muslim ah oo dhowsoon

Qofkasta wuxuu ku Taamayaa Inuu Helo Qof Wanaagsan oo uu la Wadaago Nolosha. Wiilku wuxuu Rabaa Gabar Wanaagsan Diin Iyo Akhlaaq leh Inuu la wadaago Nolosha, Gabadhuna sidoo kale waxey Rabtaa Wiil Wanaagsan oo Mustaqbalkeeda Wanaajiya inay Hesho .
Balse Maxaa Qaldan oo sidee buu wax inaga yahay?
Aanka Jawaabee Dadka badankii waxey Garab mareen Waddadii ay ku heli lahaayeen Family Wanaagsan. Hadaad Rabto Qof Wanaagsan oo aad Adiguna Xun Tahay. Diintii Iyo Akhlaaqdiina Aadan lahayn waa Khalad Inaad Raadisa Qof Wanaagsan. ileen Adaaba ah Qof Xun.
Rabigeen isagoo ka Hadlaaya Arinkaasi wuxuu yiri:- Dumarkii Xumaa waxaa u sugnaaday (Guursanaaya) Rag Xun Xun, Ragii Xumaana Dumar Xun Xun. (Suratu Nuur).
Hadaad tahay Qof Dhawrsoon, oo Waddada Xaqana ku Toosan, Tabina Raali ayuu kaa noqonayaa, Ogoowna inaad Heli doontid Qof Sidaada Rabigii Raali Galiyay oo Dhawrsoon Xaraantana ka Dheeraaday.
Halkaas waxaan ka Fahmeynaa Hadaad Tahay Gabar Xun oo Diiday Diinta inay ku Dhaqanto Wanaagana ka Cararta Ogoow naad Guursan doontid Wiil kula mid ah oo Sidaada oo kale Caasiyay Rabbi.
Guntii iyo Gabagabadii Qof kastoo Muslim ahoow Iswanaaji, Rabigaana ka Baq, waa Hadaad Rabto Wanaag iyo Qof Wanaagsan oo aad la wadaagto Nolosha. Hadaad Caasi tahay Rabi u soo Noqo, Xumaantana ka Har, oo Wanaaga Qaado Inshaaa Allaah Waad Liibaani doontaa Adduun iyo Aakhiroba.
=============================
(ILAAHOOW XAQA NA FAHAMSII, YAA RABBI).

Dhismaha Qoyska Muslimka Ah Iyo Guurka Maanta Aduunka Ka Jira

Aad iyo aad bay u dhibaato badantahay arimaha ka jira xaga guurka, waayo guurkii wuxuu noqday mid qaab daran oo diinta aan waafaqsanayn.

Siyaabaha uu ku noqday waxaa ugu horeeya gabadha iyo wiilka isdoonaya marka horaba xaga diinta iskuma doonaan, ee waxaa la isku doonaa xoogaa xoolaa iyo gabadhoo quruxbadan  iyo wax kale, ee diin in la isku qadariyo way dhimatay. Taasi waxaa ka abuurmay guurka noocaas oo kale ah inuu sharcigaba waafaqin. Mida kale, dhibaatada kale oo timid waxay ka timid xaga waalidka, waalidkii waxay noqdeen kuwo dhib badan, oo kheyrkoodu yar yahay. gabadh markaad ka doonato reer, hadday diintaada, Islaamnimadaada, iyo wanaagaada ay yaqaaniin, markaad utagto waxay ku leeyahay “hayee, odayaalbaa la siiyaa gabadha ee odayaal keen.” War gabadha ma odaybaa guursanaaya mase anaa guursanaaya, waa yaabe? Ma wiilka gabadha kaa soo doonay siisid. War odayaasha lahadla, oo xaqa siduu yahay tusiya! Waa dad kheyrkii oo dhan ka fagaaday, oo xumaan ku sifoobay. War xagee laga helay gabar ay odayaal dhaqaan ninbaa dhaqa inantee. Gabadhese aabeheed ayaa mas’uul ka ahe xagee laga keenay waxaan, war arintaan diinta xagee ku qortay? Lama hayo waa caado jaahili, oo meelay ka timid aan la garaneyn.

Haddii markii aad odayaal geyso oo gabadhii lagu siiyo, maxaa lagugu oranayaa: Waxaa laleeyahay “aaway lacagtii sooriyada? Awaaway tii abtiga? Aaway tii islaanta dhashay?” Yaa yiri dadka iibsada. Rasuulka SCW xadiis saxiixa wuxuu kuyiri: “Sadex qofood Ilaahey lama hadlo, danbigana uma dhaafo, cadaab ayeyna leeyihiin.” Sadexdaa qofood waxaa ka mid ah: Qof xor ah, axadkii iibsada lacag inta kalabaxa lacagtaa cuna Alle naxariistiisa ma arkuu leeyahay. Haddaba dadka ama raga gabdhaha laga soo doonayo oo ku xiraaya intaasoo dhaqaale in laga bixiyo gabadha ay dhaleen inay iibsadeen ha ogaadeen, oo lacagtay ku iimsadeen cuneen ayna xaaraan tahay. Laakiin ninka gabadha guursanaaya waxaa waajib ku ah reerka uu gabadha ka guursanaayo inuu udhaqaaleeyo sida waalidkii oo kale. Wiilka hooyadiis iyo aabihiis waxii uu heli karo isagaa siinaya oo waajib ku tahay, laakiin xoolaha aad hablaha ku xiraysaan la’idin ka soo doonay odayaashow ka hara haddaa diin leedihiin Allana aad ka cabsanaysaan. Haddii kale waxaad ku haysaan “Sooriyaa labixin jirey iyo gogol gabar laguma bixiyo aan lacag lagu bixineyn.” Waayo waxaa maalin walba la maqlayaa ayadoo la leeyahay “Haa, gogol qalalan inan laguma bixiyo.” Yaa ku yidhi gogosha soo qoo, biyo ku daadiya haddaa qoyaan doonaysaan.

Haddaba sharciga Islaamku sidaa ma ogola ee arrintaa hala iska joojiyo. Ninkii isaga gabar guursada waxaa ku wanaagsan inuu reerkeeda ixtiraamo, waxii uu heli karana u qabto siduu hooyadiis iyo aabihiis u dhaqaaleynaayo oo kalena u dhaqaaleeyo. Taasi waa xuquuqda la isku leeyahay, laakiin mida ku saabsan dhaqaalaha aan ka soo waranay, oo odayaasha gabdhaha ku xirayaan lacag, ogow sharciga islaamka ma ogola arinkaas. Sida diintu tahay aan ugu dhaqano Allena aan ka cabsano SW. Gabarta marka labixinaayo waxaa ladoonayaa ninka la siiyo inuu ku qanacsanyahay. Kafaa’ada Islaamka ogolyahay waxa weeyaan xaga Islaamnimada, maxaa yeelay Islaamka dadkiisu kuligood waa walaalo, axad walba oo muslimiinta ka mid ahna axadka kale waa u banaantahay inuu guursado oo lana noolaado. Rabina quraanka wuxuu ku yiri isagoo noo cadeynaya muslimiinta inay simanyihiin oo isku kuf yihiin: “Mu’miniintu waa uun walaalo”

Sida ay xaqiiqadu tahay Rabbi ma kala qaadin, ee wuxuu inoo sheegay muslimiinta inay walaalo yihiin. Haddaba ninyahow muslimka ahow haddii gabartaadu soo doono wiil Islaam ah, oo aqlaaqdii iyo diintii Islaamka leh, ha ku xujeynin qabiilnimo iyo xoolo haddaa iimaan leedahay, maxaa yeelay mu’miniintu waa walaalo. Ninyahow muslimkaa adiguna gabadha aad guursanaysid waxa aad ku raacdo ha noqdo iimaanka iyo wanaaga siday diinta ugu socoto. Gabaryahay muslimadaa adiguna ninka aad raacayso ha noqdo waxaa ku raaceysid inuu diinta ku fiican yahay oo aqlaaqda Islaamnimada leeyahay. Saas ayaa la doonayaa haddaa fulin waydaan ka bixi maysaan cariiri iyo dhibaato. Rabbi wuxuu inoo sheegay inaan dumarka ka guursano tii ku cajibasi, oo idil, dumarkii lama kala qaadin, qabiil looma qaybin, midabna looma qaybin, ee kuligood waxaa adiga aad doonaysid inaad ka guursatid oo sharciga kuu ogolaaday ayaa laguu sheegay. Haddaba muslimiintooy baraaruga, oo Rabigiin ka cabsada, oo waxa aad darbiyada iyo suuqyada la wareegeysaan joojiya. Gabadha muslimada ah, oo aad u wanaagsan, ee cafiifada ah, ninka faasiqaa laguma dari karo, haddaysan ayada raali ka ahayn. Faasiqa iyo faasiqada way isguursan karaan hadday isdoonayaan, laakiin qof isagu wanaagsan, oo iimaankiisu uu muuqdo, iyo qof fisqi iyo macaasi waaweyn lagu arkayo in la isku qasbo cadaalada ma ahan.

Rabbi quraanka wuxuu ku yiri: “Ragga iimaanka leh iyo dumarka iimaanka gabalkood gabalka kalo ilaaliyayaal bay u yahiin.” Waa dad is ilaalinaya oo isdhowraya markastaba. Muminiinta iyaga unbaa walaalo ah wanaaga ku wada socda. Kafaa’ada lafiirinayaa waa xaga istiqaamada iyo xaga aqlaaqda. Waxyaalaha ay fuqahadu gabalkood yiraahdeen nasabka waa la eegayaa (Carab iyo Cajam), sancada waala eegayaa, daliil loma hayo, waayo Rabbi quraanka wuxuu ku yiri: ”Qofka idin kugu karaamada badan Alle agtiisa waa qofka idin kugu cabsida badanle. ” Axad axad ka karaamo badan majiro ilaa cabsida Alle ma’ahane. Cabsida Allena waxaa layiraahdaa qofka inuu gudo xaqa uu Alle ku leeyahay, iyo xaqa dadka iyo maqluuqa kaleba ku leeyihiin. Qofka waa inuu xaqa Rabbi guto, oo xaqa bani’aadamkana guto, markaas ayuu taqi yahay oo Allena kacabsaday.

Rasuulka SCW wuxuu yiri: “U guuriya hadduu idiin yimaado axad diintiisa iyo aqlaaqdiisa raali laga yahay.” Haddaa samayn waydaan dhulka waxaa ahaanaysa fidno, bilaayo, iyo fasaad wayn.

Dadka Islaamka ahoow Rabigiina ka cabsada oo ku dadaala nin diin iyo aqlaaq leh hadduu yimaado gabadha hala siiyo. Rasuulka SCW waqtiguu joogay waxaa dhacday ninka lagu magacaabu Abuu Qurayfa in uu guursaday gabarta layiraahdo Hinda binti Waliid. Ninkaasu wuxuu ahaa nin ay xoreeyeen reer Ansaareed, gabarta uu guursaday waxay kamidtahay qabaa’ilka ugu sharafta badan Qureysh. Ninka Bilaal Ibnu Rabaax wuxuu guursaday ninka layiraahdo C/raxman Ibnu Cawf walaashiis. Halkaas waxaa ka ogaatay inaan loo qaybin karin dadka Carab iyo Cajam xaga nasab ahaanta oo aan lagu kala duri karin. Laakiin qofka hadduu diin leeyahay waa laga guursan. Cali Ibn Abii Dhaalib ayaa lawaydiiyey oo layiri dadka bal kawaran makala sharaf badan yihiin? Wuxuu yiri: “Dadka gabalkoodka gabalka kale kuf ayuu u yahay, carabtooda iyo cajamtooda waana isla mid hadday Islaamaan oo ay Alle rumeeyaan.” Marba hadday muslimiin yihiin oo iimaan leeyihiin wax lagu kala qaadi karo malahan ayuu yiri Cali.

Culumada ayagoo nasabka ka hadlaya, oo yiri dadka gabal iskuma mid ma’ahan. Waala doonayaa labada qofood in la’eego, oo bal inay wada noolaan karaan xaga aqlaaqda, laakiin waxa qabiilka layiraahdo iyo waxyaalaha kale oo guurka lagu xiray, halaga saaro oo Rabbi halaga baqo. Rasuulka SCW wuxuu cadeeyey ninkasta oo diin iyo dabeecad wanaagsan leh, gabar diin iyo dabeecad leh hadduu soo doono in loo diido inaan loo baahneyn. Xaqiiqada markii la fiiriyana xaalada sidaas weeyaane bal ku dadaala oo Rabbi ka cabsada.

CIYAARTA IYO DHAQAAQA OO SALADA LAGU BADIYO

CIYAARTA IYO DHAQAAQA OO SALADA LAGU BADIYO 

taasi waa aafo aysan  ka nabadgelin dad tiro badan oo tukanaya waayo ma fulinayaan amarki ilaahay yiri oo ahaa )ilaahay u istaaga idinka oo khushuucsan  ) mana fahmayaan hadalkuu ilaahay yiri oo ahaa ) waxaa libaanay mu,miniinta salaadooda ku khushuuca  ) nabigana s.c.w markii la weeydiiyaya qof sujuudaya ooo carada gacanta ku simaya waxuu yiri  ) ha masaxin carada adigoo tukanaya , hadii lama huraan noqoto in aat sameyso hal mar quruuraxa sin, waxaa wariyay abuu da,uud 1/581

culimadu waxeey sheegeen in dhaqdhaqaaqa badan oo isku xiga oo dan la,aanta ah salaada ku bureeyso , hadaba sidee noqonayaan kuwa ku ciyaaraya  salaadooda iyagoo ilaahay hortaagan , qaarkood saacadooda ayeey eegayaan ama maradooda ayey toosinayaan ama sanka ayeey farta iska galinayaan ama midig iyo bidix  ayey eegayaan oo eeysan ka baqeeynin in aragooda la  dafo ama sheeydaanku salaadooda xado waa arin khatar ah waa in la iska ilaaliyaa oo aad looga taxadaro insha allah

ILAAHAY HA INAGA YEELO KUWA SALAADOODA XAFIDA KUNA  khushuuca RABINA KA AQBALO

W/Q

#abdullahi_mahad

DUMARKA OO IS CATARIYA MARKA EEY BAXEYSO OO RAGGA LA MARTO CARAFTEEDA

DUMARKA OO IS CATARIYA MARKA EEY BAXEYSO OO RAGGA LA MARTO CARAFTEEDA 

arintani waxeey ka mid tahay waxyaalah faafay casrigaan inkastoo nabiga s.c.w aad uga digay arintani waxuuna yiri 

HAWEENEY KASTA OO ISA SOO CARFISO KA DIBNA SOO DHAX MARTO QOOMA (RAGG) OO EEY HELAAN CARFTEEDA WAA ZAANIYAD)

dumarka qaarkood qaafil ayeey iska yihiin ama waa iska fududeeystaan arintaas marka ay la joogaan darawalka , ninka wax iibiya iyo waardiyaha iskuulka ama raga kaloo jidka socda , balse shareecadu aad ayeey u adkeeysay in dumarka catarka is mariya ay uqabeestaan sida qasliga looga qabeeysto , xataaa hadey dooneyso masjidka nabiga s.c.w waxuu yiri ,) haweeney is soo carfisay ka dibna soo aaday masjidka oo eey helaan riixdeedi dadka lagama aqbalayo salaad ilaa eey ka qabeesato qusli (janaab)

ilaahay unbaa loo sheegtaa dhibata ay leyihiin dumarka isticmaala uunsiga iyo catarka marka eey usocdaan aroosyada iyo xafladaha iyo barafuunada urka dheer ee ay ku isticmaalan suuqyada iyo gaadiidka lagu socdo iyo meelaha lagu kulmo xitaa masaajidka ayeey ku isticmaalan haweenada ramadaanka. shareecada waxaa kusoo arooray in dumarku catarkoodu yahay kan midibkiisa muuqda caraftiisuna qarsoontahay ,

ILAAHAY WAXAANU KA BARYEEEYNAA INUUSAN NOO CAROONIN OO UUSAN RAGGA IYO DUMARKA SAALIXIINTA UQABAN WAXEEY SAMEYNAYAAN RAGA IYO DUMARKA SUFAHADA AHNA UU KU HANUUNIYO JIDKA TOOSAN

MU,MINKA AMA CID AAN MUTEEYSAN OO LA LACNADO

 

 

 

dad badan ayaan carrabkooda qaban karin hadeey caroodan waxeey lacnadaan dadka , xayawaanka , dhirta ,  maalmaha iyo saacdaha 

balse waxaa laga yaba ineey lacnadaan naftooda iyo caruurtooda iyo in ninku naagtiisu lacnado ama lidkeeda , taasina waa arin munkar ah oo khatar ah , waxaa laga wariyay abii zeyd thabit  ibnu addaxak al-ansari  (rac)  xadiis nabiga gaarsisan oo ah :qofkii lacnada mu,min wawa asgoo dilay )

lacnada oo dumarka aad u isticmaalan nabigu waxuu caddeyay  iney ka mid tahay sababaha ay naarta ku galaan , sidoo kale dadka wax lacnada  aakhiro ma noqonayan kuwa shafeeco , waxaa ka khatarsan in lacnadu ku soo noqoneyso qofkii eey kaso baxday hadii uu dulmi ahaan ugu dhawaqay markaas ayuu noqonaya qof naftiisa  ku habaray in ilahy ceyriyo oo ka dheereyo naxaristiisa 

ilaahay ayan ka magan galeyna in uu naxaristiisa naga fogeeyo 

ilaahay ha inaga dhigo kuwa hadalka maqlo qaatana kiisa wanaagsan 

WALAALaha MUSLIMKA AHow U DARDAARMA HAWEENKIINA KHEERKA!!

Waxaa waa jib ku ah raga inay ha ween kooda u dardaarmaan kheyrka
marka la leeyahay u dardaarmaan kheyra ma aha kaliya hadal ee
waxaa kaloo loogu dardaarmi ficil marka aad haweenaydaada
u dardaarmayso kheyrka waa inaad u sheegtaa xaqa lana timaadaa afcaal
muujinaysa kheyrka afcaashu waxay ka mid tahay dardaaranka.

sababtoo ah reerku wuxuu samaynayaa waxa uu ku arko hogaankooda , rasuulka (scw) wuxuu yiri

(استوصوا بالنساء خيراً) ويقول ايضاً (خيركم خيركم لأهله , وانا خيركم لأهلي)

la imow afcaasha wan wanaagsan si aad qudwa xasana oogu noqoto ehelkaada.
La imow arimahan soo socda :
1-u kafaala qaad marwadaada nolosharaf leh.
2-oola dhaqan si wanaagsan
3-ixtiraam oo qadari
4-la tasho
5- sii fursad ay kuugu cabirto ra,yigeeda.
6-xifdi karaamadeeda iyo cadhfigeeda.
7-sii xaqeeda ay ku leedahay waqtigaada isu miizaan waqtiga shaqada iyo kan guriga.
8-xiriiri qaraabadeeda sida aad u jeceshahay inay u xiriiriso qaraabadada
9-ka fogow inaad wax ka sheegto camal keeda guriga ama qaabkeeda ama cunada ay kuu keentay
10-ha isku dayin wax walboy dalbato inaad ka diido isku day inaad u samayso dalabaadkeeda waxa aad awoodo .
11-haku mana sheegan .
12-haku qasbin inay samayso wax aysan awoodin.
13- ha usheegin cid ayada ka wanagsan ama horteeda haku amaanin dumarkale.
14-ha taxqiirasan hana dulaynin.
15- haku handadin inaad mid kale laguursanyso ama aad fureyso.
16- ku saacid inay barato xaqa fahantana diinteeda .

Marka aad latimaado wanaaga waxaan shaki ku jirin in ehelkuna la imaanayo wanaag
marka aqwaashaadu qurxoontahay afcaashaaduna ka sii wanaagsan tahay
reerku waa uu kugu dayanayaan iyaguna: